Isumannaallisaaneq

Login aaqqiissutaavoq, inuinnaat suliffeqarfiutillilluunniit tamatuminnga atuinerminni toqqissisimanissaat anguniarlugu isumannaallisaanikkut annertuunik piumasaqaatilimmik ineriartortinneqarnikoq.

MitID-mit imaluunniit suliffeqarfiutilimmut MitID-imut kinaassutsimut uppernarsaatit atorlugit isertoqassaaq. Tassuunakkut nammineq inuttut suliffeqarfiutilittulluunniit kinaassutsit pisortat namminersortulluunniit imminnut sullississutaannut NemLog-in-imut atassusersimasunut isumannaatsumik uppernarsarneqassaaq taamaalillutillu illit sinnerlutit allat isersinnaanissaat ernummatigissanngilat.

Nammineq qanoq iliorsinnaavit?

Isumannaallisaanerup tunniussinnaasatta saniatigut internetimi imminut illersornissat pingaaruteqarpoq. Aajuku siunnersuutit tallimat malinneqartariaqartut:

1. Imminut sullississutit Login-imik atuiffiusut atoreerukkit anillannissat browserimilu ammatitavit tamaasa matunissaat eqqaamajuk. Pingaartumik qarasaasiamik ataatsimoorussamik, assersuutigalugu atuakkanik atorniartarfinni internet caféniluunniit qarasaasiamik atuisimaguit pingaaruteqarluinnarpoq.
2. Qarasaasiat antivirusinik firewallinillu illersuusersoruk – qarasaasiavillu programii nutartersimatikkit.
3. MitID-mut imaluunniit Suliffeqarfiutilimmut MitID-nnut atuisutut atit kodelu isissutissat allanut ingerlateqqinngisaannakkit - assersuutigalugulu pappiliamut allannagit.
4. Programmit tatigisinnaasatit kisiisa ammartakkit.
5. MitID kinaassutsinnut uppernarsaatit, soorlu mobilit MitID app-italik annaasimagukku, MitID-villuunniit atornerlunneqarneranik pasitsaassaqaruit matussavat.

MitID kinaassutsimik uppernarsaammik matusineq

MitID-nnut allat isersimasimasut pasitsakkuit ingerlaannarlutit matussavat. MitID.dk-mi imminut sullississut aqqutigalugu imaluunniit MitID support oqa. +45 33 98 00 10 attavigalugu taamaaliorsinnaavutit